Një front i dobët i ftohtë ajror do të depërtojë sonte në rajonin tonë dhe për këtë arsye do të kemi ulje të lehta të temperaturave. Fronti i ftohtë është mjaft i dobët dhe nuk do të shkaktojë të reshura atmosferike, me ndonjë përjashtim të vogël ku në disa rajone mund të ketë ndonjë rigë apo rrebesh të izoluar shiu.
Ulja e lehtë e temperaturave do të ndjehet në viset kontinentale, ndërsa shumë pak ose hiç fare në viset bregdetare.
Nga Kontinenti Evropian kemi shtrirjen e një mase gjigande ajrore anticiklonike në drejtim të rajonit tonë dhe për këtë arsye nuk do të kemi reshje atmosferike edhe disa ditë. Sidoqoftë do të kemi ulje të temperaturave, ndërsa netët dhe mëngjeset pritet të jenë mjaft të freskëta, ndërsa ditët relativisht të nxehta. Në fillim të javës tjetër pritet ngritje e temperaturave, ndërsa sipas ecurive më të fundit sinoptike në mes të javës tjetër mund të kemi një front të fuqishëm to ftohtë ajror i cili mund të na sjellë edhe reshje atmosferike. Mbetet të shihet./Meteoballkan
