Një krater apokaliptik, i mbiquajtur “porta e ferrit” dhe që digjet prej 40 vjetësh është filmuar me dron.
Krateri Darvaza është 69 metra i gjerë, 30 metra i thellë dhe ndodhet në një zonë shkretëtirë të Turkmenistanit.
Ajo u krijua kur një grup inxhinierësh sovjetikë që eksploronin sipërfaqen e gazit natyror, panë aparaturën e tyre që rrëzohej, duke krijuar një krater të thellë, transmeton tvklan.al.
Të frikësuar se në atmosferë do të çliroheshin gaze të dëmshme, ata i vunë flakën, me shpresën se do të digjej në pak javë.
Por nuk ndodhi kështu dhe krateri digjet që prej asaj dite, në vitin 1971, duke u shndërruar në një vend tërheqës për turistët.
Fotografi Alessandro Belgiojoso kapi pamjet e pabesueshme, të cilat tregojnë këtë vend të pazakontë.
Kjo gropë ndodhet rreth 241 kilometra nga kryeqyteti i Turkmenistanit, Ashgabat.
