Kjo javë do të karakterizohet me mot mjaft të ndryshueshëm. Fillimi i javës do të na shoqërojë me temperatura verore dhe shumë rreze diellore dhe kjo pritet të vazhdojë deri në mesjavë. Gjatë orëve të vona të pasdites, mbrëmjeve dhe netëve mund të ketë gjasa për riga apo ndonjë rrebesh të izoluar dhe afatshkurtër shiu kryesisht në viset kodrinore-malore në veriperëndim dhe veri të Shqipërisë, ndonjë rajon në Kosovë dhe në Mal të Zi.
Në Mesjavë pritet që të kemi dobësim të bllokades anticklonike dhe si pasojë do të kemi depërtimin e një mase ajrore të fuqishme ciklonike e cila do të na sjellë reshje lokalisht të fuqishme shiu, ulje të temperaturave dhe herë pas here edhe erëra mesatare dhe të fuqishme.
Nga e enjta pritet të kemi reshje shiu, vende-vende edhe rrebeshe të fuqishme shiu me vetëtima dhe bubullimë. Reshjet do të vazhdojnë herë pas here edhe të premtën por pritet të pushojnë pasdite me përjashtim të gjysmës jugore të Shqipërisë.
Në fundjavë sipas ecurive aktuale sinoptike na pret mot i freskët, me intervale kohore me diell dhe mundësi për riga të dobëta shiu si dhe fjolla të dobëta bore në viset më të larta malore.
Ishte ky parashikimi i motit për javën që po hymë sipas ecurive aktuale sinoptike dhe nëse ndodhë ndonjë ndryshim eventual do të njoftoheni në postimet tona të përditshme./Meteoballkan
Image by: Piwotalweather
