Në Finlandë, ndodh jo rrallë që qielli të ngjyroset me të gjelbër dhe njerëzit të mund të shijojnë vallëzimin e aurorës boreale. Dhe magjia e saj në qiell mbi Laplandin finlandez, ka befasuar shumëkënd nga e premtja deri të shtunën.
Fenomeni është rezultat i përplasjes mes pjesëzave të ngarkuara me elektricitet nga dielli, që hyjnë në atmosferën tokësore.
Drejtori i një reviste udhëtimesh, “Gjithçka për Laplandin”, Aleksander Kuznetsov, që ka fotografuar spektaklin e dritave, thotë se ka qenë aurora më e bukur që rajoni ka parë që nga shtatori i 2017-ës./tch
