Sot në Kosovë do të mbajë mot tërësisht i vranët dhe me reshje shiu në tërë territorin e vendit, vende-vende priten reshje intensive të herëpashershme shiu.
Në Shqipëri pritet të mbajë mot tërësisht i vranët dhe me reshje intensive shiu, vende-vende priten stuhi dhe rrebeshe të fuqishme shiu me vetëtima dhe bubullimë. Më së paku reshje priten në juglindje të vendit.
Edhe në Maqedoninë Veriore dhe Mal të Zi pritet të mbajë mot kryesisht i vranët dhe me reshje shiu.
Neser në tërë rajonin reshjet do të pushojnë, por do të mbetet mot me vranësira dhe intervale kohore me diell, me mundësi për riga lokale shiu.
Të shtunën pritet cikloni i ri i cili do të kushtëzojë reshje të reja shiu fillimisht në Shqipëri dhe në Dukagjin të cilat reshje do të zgjerohen gradualisht edhe në viset tjera të rajonit gjatë natës së të dieles./Meteoballkan
