Nesër në Kosovë do të mbajë mot i vërtetë dimëror. Do të ketë reshje bore të cilat në mëngjes dhe në mbrëmje do të jenë më intensive. Reshje më të dendura do të ketë në lindje, juglindje dhe verilindje të vendit, kurse më të pakta në Rrafshin e Dukagjinit. Gjatë natës në të mërkurën priten reshje intensive bore.
Në Shqipëri nesër do të mbajë mot i vranët dhe me reshje bore në gjysmën veriore të vendit. Reshje dëbore mund të paraqiten edhe në rajone ku bora është dukuri mjaft e rrallë (Shkodër psh.). Në gjysmën jugore të vendit do të jetë kryesisht thatë.
Edhe në Mal të Zi nesër priten reshje bore, kurse reshje mjaft të dendura bore nesër priten në Maqedoninë Veriore.
Të mërkurën do të kemi mot të vranët dhe herë pas here me reshje dëbore në Kosovë dhe viset kodrinore-malore të Shqipërisë dhe Maqedonisë së Veriut. Nëpër ultësira (Shqipëri-Maqedoni) herë pas here do të ketë reshje shiu sepse do të ketë ngritje të lehta të temperaturave.
Nga e enjta do të kemi ngritje të temperaturave, por herë pas here dhe vende-vende do të kemi reshje të shiut, shqotës dhe borës në viset kodrinore-malore./Meteoballkan
