Pandemia Covid-19 ka sjell kaos të madh në jetën e njerëzve dhe ekonominë botërore. Si duket, përpjekjet për të parandaluar përhapjen e virusit, kanë shkaktuar lëvizje më të ngadaltë edhe të planetit tonë. Kërkuesit që studiojnë lëvizjet e Tokës, kanë raportuar rënie të zhurmës seizmike – zhurma nga vibrimet në koren e planetit. Kjo gjë mund të jetë si rezultat i rënies drastike të transportit dhe ndalimit të aktiviteteve të ndryshme njerëzore.
Hulumtuesit kanë thënë se kjo do të mundësojë që të detektohen tërmete më të pafuqishëm dhe të monitorohen më lehtë aktivitetet vullkanike, si dhe ngjarjet e tjera seizmike.
Një rënie e zhurmës në këtë shkallë, zakonisht është e natyrshme vetëm në kohën e Krishtlindjes, ka thënë Thomas Lecocq, një seizmolog në Observatorin Mbretëror të Belgjikës, shkruan MeteoBallkan.
Po sikur ngjarjet natyrore, siç janë tërmetet, që shkaktojnë lëvizjen e kores së Tokës, të njëjtin efekt e kanë edhe lëvizjet e makinave dhe makinerive industriale. Përkundër se efektet e burimeve individuale mund të jenë të vogla, së bashku krijojnë një zhurmë në prapaskenë, e cila zvogëlon mundësinë e seizmologëve që të detektojnë sinjale të ndryshme që ndodhin në të njëjtën frekuencë.
Të dhënat nga një seizmo-metër në observatorin belg, tregojnë se rritja e kurbës së shpërndarjes së Covid-19, ka shkaktuar rënien e zhurmës njerëzore për 1/3, ka thënë Lecoccq. Matjet përfshijnë mbylljen e shkollave, restoranteve dhe vendeve publike nga 14 marsi, si dhe ndalimin e të gjitha fluturimeve jo-esenciale nga 18 marsi.
Këtë efekt të virusit, nuk e kanë vërejtur vetëm shkencëtarët belg. Të njëjtën gjë e kanë vërejtur edhe në Institutin e Kalifornisë për Teknologji në Pasadena. /MeteoBallkan/
Burimi: Coronavirus lockdowns have changed the way Earth moves
