Përderisa izolimi për ta ndalë shpërdarjen e koronavirusit në Indi vazhdon, ndotja përgjatë gjithë vendit ka rënë në mënyrë drastike. Tani, pas më shumë se 30 viteve, shumë banorë të Indisë veriore thonë se mund ta shohin edhe majën e maleve Himalaje nga 200 km largësi.
Fantastike, e mahnitshme, e bukur, befasuese, më mirë se kurrë më parë. Këto janë disa prej komenteve në rrjetet sociale që kanë thënë banorët e Jalandharit që gjendet në distriktin e Punjabit.
“Mund të shohim malet e mbuluara nga bora shumë qartë nga kulmet e shtëpive tona. Dhe jo vetëm kaq, edhe yjet po shihen gjatë natës. S’kam parë diçka të këtillë viteve të fundit”, ka thënë Balbir Sing.
Ai ka punuar në ngritjen e vetëdijes kundër ndojtes së ambientit për mbi 30 vite.
Himalaya mountains can be seen from Jalandhar since pollution has reduced in Punjab. Beautiful sight ?#punjab #COVID19 #pollution pic.twitter.com/iZy7hwxX9R
— TjSingh (@covsinghtj) April 3, 2020
