Sot në Kosovë do të mbajë mot kryesisht me diell dhe mjaft i nxehtë. Freski do të sjellin vetëm erërat veriore dhe verilindore herë pas here.
Edhe në Shqipëri, Maqedoninë Veriore dhe Mal të Zi do të mbajë mot kryesisht me diell dhe mjaft i nxehtë.
Për fundjavë do të vazhdojë të mbajë mot i ngrohtë por do të kemi edhe paraqitje të shpeshtë të vranësirave veçanërisht në Kosovë, por reshje atmosferike nuk pritet të ketë.
Të dielën në disa rajone në Shqipëri dhe Maqedoninë e Veriut pasdite mund të ketë riga apo rrebeshe të izoluara shiu me mundësi edhe për ndonjë bubullimë.
Përkeqësim i motit dhe ulje e temperaturave pritet të kemi të martën. Priten reshje kalimtare shiu, në viset kodrinore-malore reshje kalimtare bore.
