Dy teleskopët hapësinor “Hubble” kanë kapur pamje mahnitëse të thyrjes së kometës C/2019 Y4 (ATLAS) më 20 dhe 23 prill 2020. Kometa Atlas ka qenë në qendër të vëmendjes javëve të fundit për ndriçimin e fuqishëm, që shpeshherë mund të shihej edhe nga planeti Tokë.
Hubble ka identifikuar rrreth 30 fragmente më 20 prill, dhe 25 copëza më 23 prill. Të gjitha copëzat u shndërruan në pluhur që linin një bisht të gjiatë pas vetes duke reflektuar në dritë diellore, ka njoftuar NASA.
“Dukja e tyre ndryshoi substancialisht brenda dy ditëve, aq shumë saqë ishtë e vështirë ndërlidhja e tyre”, ka thënë David Jewitt, profesor i shkencave planetare dhe astronom në UCLA, Los Angjelos.
“Nuk e di nëse kjo është për arsye se copëzat e veçanta ndriçojnë dhe ndalen kohë pas kohe duke reflektuar dritën diellore, duke vepruar si drita vezulluese në një bredh krishtlindjesh, apo sepse fragmente të ndryshme shfaqen në ditë të ndryshme”, ka thënë profesori Jewitt, shkruan MeteoBallkan.
Like exploding aerial fireworks shells, comet ATLAS is breaking apart into more than 30 pieces, each roughly the size of a house. Hubble captured detailed images of the breakup last week: https://t.co/PYcgDD64hA pic.twitter.com/hV2n2OrVnY
— Hubble (@NASAHubble) April 28, 2020
Në njoftimin e teleskopëve Hubble në Twitter, shkruhet: Sikurse të ishin fishekzjarre ajrore, kometa ATLAS është duke u thyer në më shumë se 30 copa, secila prej tyre thuajse sa madhësia e një shtëpie.
Dezintegrimi apo thyerja e kometës ka ndodhur rreth 146 milion kilometra larg tokës kur Hubble e ka kapur procesin. Nëse mbetet diçka prej saj, kometa do t’i afrohet tokës në pikën më të afërt prej 116 milionë kilometrash me 23 maj, ndërkaq vetëm 8 ditë më vonë do të kalojë pranë diellit në një distancë prej 40 milionë kilometrave distancë. /MeteoBallkan/
Burimi: NASA
