Dy pastrues dritaresh në Florida provuan një “shëtitje” tmerruese kur një erë e fortë nisi të lëkundte platformën ku po punonin në një godinë të lartë në Florida.
Incidenti u filmua nga persona në godinat aty pranë, të cilët panë të tmerruar se si dy punëtorët lëkundeshin në ajër duke u përplasur me godinën. Në një moment kur platforma qetësohet, një prej punëtorëve shkon drejt kolegut në përpjekje për ta stabilizuar.
Irena Bessmertnaya, një ukrainase që jeton në Majami dhe filmoi gjithçka, tha se gjatë gjithë ditës koha kishte qenë e mirë në plazh, por për rreth 20 minuta pati një stuhi ere, që rrezikoi jetën e dy punëtorëve.
