Një masë ajrore mjaft jostabile ciklonike nga Italia Veriore po kalon përmes Ballkanit verior në drejtim të Evropës lindore. Presioni i ajrit ka rënë dukshëm në zonën përreth kësaj mase ajrore e cila është shumë afër nesh, kurse në anën tjetër në jug dhe perëndim të rajonit tonë shumë afër kemi masën ajrore anticiklonike dhe kombinimi i këtyre dy masave ajrore po shkakto erëra të fuqishme jugperëndimore.
Cikloni pritet të largohet shumë shpejt thellë në drejtim të Evropes lindore dhe verilindore dhe në këtë mënyrë mbi rajonin tonë do të vendohet masa ajrore stabile anticiklonike dhe për këtë arsye gjatë mbrëmjes së sontme pritet që erërat të qetësohen.
Ky ciklon është përgjegjës edhe për tërheqjen e ajrit të nxehtë nga Afrika Veriore në drejtim të rajonit tonë si dhe po ashtu edhe pluhurit Saharian.
Cikloni përmban në vete ajrin kryesisht të thatë, megjithatë në Slloveni dhe pjesë të Kroacisë priten rrebeshe lokale shiu me vetëtima, bubullimë dhe breshër sepse sistemet e lagështa frontale do të bëjnë përpjekje konstante për depërtim nga veriu në drejtim të jugut, gjegjësisht nga Evropa veriperëndimore në drejtim të juglindjes.
Sidoqoftë për mos me zgjatë shumë ti kthehemi Kosovës. Erërat pritet të qetësohen në Kosovë gjatë orëve të mbrëmjes dhe natës. Normalisht erërat nuk do të ndalen tërësisht por do të qetësohen dhe nuk të përbëjnë më shqetësim.
Nga nesër na pret mot pak më i freskët edhe pse më i qetë sepse nuk do të ketë më erëra të cilat me efektin e tyre “FEN” kanë shkaktuar ngritje enorme të temperaturave.
Pra, i nxehti do të vazhdojë edhe ditëve të ardhshme me intensitet pak më të dobët, por erërat do të jenë më të qeta, kurse gjatë javës tjetër priten rrebeshe lokale shiu me vetëtima, bubullimë dhe mundësi edhe për breshër në disa lokacione./Meteoballkan
Image By: WINDY