Të dielën në pjesën e parë të ditës, gjegjësisht në mëngjes dhe paradite në Kosovë do të mbajë mot me intervale kohore me diell, vranësira dhe i nxehtë. Në mesditë ose pasdite do të ketë përkeqësim të motit për shkak të depërtimit të një fronti të ftohtë ajror nga veriu.
Pritet të ketë shtim të vranësirave të cilat do të kushtëzojnë erëra mesatare veriore, edhe reshje shiu, kurse mund të ketë edhe ndonjë rrebesh shiu me ndonjë vetëtimë dhe bubullimë. Reshje më intensive dhe rrebeshe me vetëtima dhe bubullimë priten në rajonin e Dukagjinit. Pasdite vonë reshje do të përfshijnë edhe disa pjesë në veri dhe lindje të Shqipërisë si dhe disa pjesë të Maqedonisë së Veriut, kurse gjatë natës rrebeshe shiu me vetëtima dhe bubullimë priten në bregdeti verior të Shqipërisë deri afër Tiranës dhe në pjesën më të madhe të Maqedonisë Veriore. Rrebeshe lokale intensive priten edhe në mal të Zi. Në Ulqin nuk priten deri vonë në mbrëmje.
Të hënën na pret mot kryesisht stabil, me intervale kohore me diell, vranësira dhe rrallëherë me ndonjë rigë të dobët shiu, kurse nga e marta do të rikthehen reshjet tipike verore kur gjatë pasditeve priten zhvillime të vranësirave të cilat do të kushtëzojnë rrebeshe lokale shiu me vetëtima dhe bubullimë./Meteoballkan
