Sot në Kosovë do të mbajë mot me vranësira dhe intervale kohore me diell. Vende-vende priten edhe reshje shiu si dhe ndonjë rrebesh me vetëtima dhe bubullimë. Gjatë natës reshjet e shiut pritet të intensifikohen dhe të përfshijnë tërë territorin e Republikës së Kosovës. Reshjet e shiut në intervale mund të jenë të dendura.
Në Shqipëri pritet të mbajë mot më i nxehtë, me intervale të gjata kohore me diell. Vende-vende mund të ketë ndonjë rigë apo rrebesh të izoluar shiu me vetëtima dhe bubullimë.
Në Maqedoni pritet mot i ngjashëm sikur në Shqipëri, me intervale kohore me diell dhe pak më i nxehtë. Pasdite mund të ketë ndonjë rrebesh të izoluar shiu me vetëtima dhe bubullimë, kurse në Mal të Zi priten reshje të fuqishme shiu sidomos në orët e vona të dites së nesërme dhe gjatë natës. Këto reshje mund të shkaktojnë edhe vërshime.
Të martën në Kosovë pritet mot mjaft jo stabil. Do të jetë zagushi për shkak të intervaleve kohore me diell, kurse reshjet dhe rrebeshet e shiut do të jenë të shpeshta dhe intensive. Vende-vende priten rrebeshe të fuqishme dhe intensive shiu me vetëtima dhe bubullimë të cilat mund të shkaktojnë edhe vërshime afatshkurtra.
Në Shqipëri, Maqedoninë Veriore dhe Mal të Zi të martën pritet mot i paqëndrueshëm, me intervale kohore me diell dhe vende-vende dhe herë pas here me riga dhe rrebeshe lokale shiu me vetëtima dhe bubullimë. Reshjet nuk do të jenë gjithëpërfshirëse.
Nga e mërkura më në fund do të kemi përmirësim dhe stabilizim të motit si dhe ngritje të temperaturave. Afrika Veriore më në fund do të “drejtojë antenat” në drejtim të rajonit tonë duke kushtëzuar ngritje të temperaturave./Meteoballkan
