Sot nga mesdita e tutje në Kosovë pritet destabilizim i fuqishëm i atmosferës. Sipas parashikimeve më të fundit do të kemi zhvillime të fuqishme të vranësirave ‘Cumulonimbus’ të cilat do të sjellin rrebeshe të izoluara por të fuqishme shiu me vetëtima, bubullimë dhe breshër.
Pasi që rrymimet ajrore lartë në atmosferë janë të dobëta atëherë ekziston mundësia që rrebeshi shumë i fuqishëm të përqëndrohet për një kohë të gjatë në të njëjtin rajon dhe në këtë mënyrë të shkaktojë edhe vërshime të shpejta.
Kombinimi i temperaturave të larta dhe dhe depërtimi i një sasie sado të vogël të ajrit jo stabil mund të shkaktojë ‘ekplosione atmosferike’ siq mund të jetë rasti sot me zhvillime të fuqishme lokale të vranësirave në Kosovë të cilat do të na sjellin rrebeshe lokalisht mjaft të fuqishme shiu me vetëtima – bubullima intensive dhe mundësi për breshër dhe vërshime të shpejta në disa rajone.
Reshjet nuk do jenë gjithëpërfshirëse sepse do të kemi shumë rajone kur reshjet nuk do të ndodhin fare.
