Dita e parë e Korrikut po karakterizohet me mot mjaft të nxehtë dhe stabil. Temperaturat kanë kulmuar duke arritur deri në 35 gradë Celsius në Shqipëri dhe Maqedoninë Veriore, kurse 36 gradë Celsius është regjistruar në Mal të Zi sot. Në Kosovë është për disa gradë më freskët, megjithatë priten ngritje të mëtutjeshme edhe në Kosovë gjatë minutave të ardhshme.
“Fajtor” për këtë gjendje është masa e thatë dhe stabile ajrore anticiklonike si dhe masa mjaft e nxehtë që vije nga Afrika Veriore.
Edhe nesër dhe pasnesër na pret mot shumë i nxehtë, por priten edhe zhvillime lokale të vranësirave konvektive të cilat do të kushtëzojnë rrebeshe lokale shiu me vetëtima, bubullimë dhe mundësi edhe për breshër kryesisht në disa rajone të Kosovës, Maqedonisë së Veriut dhe Malit të Zi./Meteoballkan
