Java që po hymë do të karakterizohet me mot kryesisht stabil por jo shumë të nxehtë.
E hëna do të fillojë me mot mjaft të freskët, por rrezet diellore do të vijnë duke u shtuar gjatë ditës.
Nga e marta pritet që të kemi depërtim gradual të masave ajrore pak më të nxehta dhe gjithashtu do të jemi nën ndikimin e masave të thata ajrore anticiklonike. Pra, nga e marta pritet mot më i nxehtë, megjithatë mëngjeset dhe netët do të jenë të freskëta dhe kjo do të zgjasë deri të enjtën ose të premten kur pritet të kemi përkeqësim të psesshëm të motit.
Nga e premta do të kemi përsëri depërtimin e masave ajrore të ftohta apo të freskëta të cilat do të kushtëzojnë ulje të ndjeshme të temperaturave sidomos në viset tona kontinentale, por me mundësi që të preket edhe bregdeti verior i Shqipërisë. Priten edhe vranësira dhe reshje lokale shiu si dhe ndonjë rrebesh lokal shiu me vetëtima dhe bubullimë.
Sipas ecurive aktuale për fundjavë na pret mot relativisht i freskët, me alternime vranësirash dhe intervaleve kohore me diell.
Ishte ky parashikimi javor i motit dhe ndryshimet janë të mundshme. Nëse do të kemi ndryshime do tu lajmërojmë në postimet tona të përditshme./Meteoballkan
