Nesër në Kosovë pritet të kemi mot më të ngrohtë dhe me intervale kohore me diell, megjithatë parashihen edhe vranësira dhe rrallë në ndonjë rajon mund të ketë ndonjë rigë ose rrebesh të dobët shiu.
Temperaturat do të shënojnë rritje dhe ajo maksimale pritet të arrijë deri në 22 gradë Celsius.
Në Shqipëri, Maqedoninë Veriore, Luginë të Preshevës dhe Mal të Zi e mërkura pritet të kushtëzojë mot më stabil dhe me periudha më të gjata kohore me diell. Temperaturat do të shënojnë rritje në tërë rajonin.
Rrallë në ndonjë zonë mund të ketë ndonjë rigë ose rrebesh të dobët shiu.
Të enjten na pret mot me diell dhe vranësira lokale. Pasdite në jug të Shqipërisë priten zhvillime konvektive me rrebeshe të izoluara shiu me vetëtima dhe bubullimë. Ndonjë rigë e izoluar mund të ndodhë edhe viseve tjera ndërsa vazhdojnë erëra nga veriu.
Të premten pritet mot i paqëndrueshëm dhe pak më i ftohtë, me shtim të vranësirave dhe reshje lokale shiu. Rrebeshe me bubullima priten në jug dhe lindje të Shqipërisë dhe më rrallë në disa zona të Kosovës dhe Maqedonisë së Veriut në të cilat priten më shumë reshje shiu.
Edhe fundjava do të jetë jo-stabile, me mundësi për intervale kohore me diell dhe shtim të vranësirave me rrebeshe lokale shiu./MeteoBallkan
