Më në fund sot kemi rreze diellore dhe ngritje të temperaturave, megjithatë kjo mund të jetë vetëm edhe një “ushqim potencial” për stuhitë eventuale që priten gjatë orëve të ardhshme në disa rajone sepse mbi rajonin tonë ende kemi ajrin jo-stabil. Pra, gjatë orëve të ardhshme në shumë rajone priten zhvillime të vranësirave konvektive apo vertikale të cilat do mund të kushtëzojnë rrebeshe lokalisht të fuqishme shiu me vetëtima dhe bubullimë. Rrebeshet nuk pritet të jenë gjithëpërfshirëse por të karakterit lokal dhe në disa rajone mund të ketë reshje mjaft intensive.
Edhe dita e nesërme (e diele) do të jetë e paqëndrueshme por pak më e nxehtë, kurse nga pasnesër pritet stabilizim i motit dhe ngritje e temperaturave, por do të ketë mundësi për zhvillime të pasditeve në disa rajone me mundësi për ndonjë rrebesh të izoluar shiu me vetëtima dhe bubullimë./Meteoballkan