Për shkak të temperaturave të larta dhe cikloneve mesdhetare në rajon po mban mot jashtëzakonisht i paqëndrueshëm ku në Mal të Zi dhe Hercegovinë ka rrebeshe të vazhdueshme shiu me vetëtima bubullimë dhe breshër. Nga goditja e rrufesë mbrëmë një shtëpi është djegur tërësisht në Hercegovinë, ndërsa reshje të shumta shiu dhe breshëri ka përjetuar edhe Dalmacia e Kroacisë.
Reshje breshëri pati sot edhe në Kosovë në disa rajone afër Pejës dhe Istogut dhe kjo për arsye të njëjta. Masat mjaft të paqëndrueshme ciklonike ajrore nga Afrika Veriore dhe Mesdheu kanë shkaktuar ngritje të temperaturave dhe kjo ka lejuar krijimin e vranësirave konvektive apo vertikale në atmosferë të cilat janë karakteristikë e muajve të pranverës dhe verës./Meteoballkan
