Siç po shihet edhe në fotografinë kryesore ajri mjaft i ngrohtë për këtë periudhë kohore ka depërtuar në Ballkan sidomos në Bosnjë, Kroaci etj. Në Kosovë ende mbetet ftohtë për shkak të mbetjeve të ajrit të ftohtë siberik, megjithatë edhe këtu temperatura ka shënuar ngritje.
Në Bosnjën veriore dhe Kroaci temperaturat kanë arritur deri në 13 gradë Celsius.
Gjatë natës edhe sonte priten ngrica lokale në rajonin tonë, por në përgjithësi ajri i ftohtë do të “dëbohet” shumë shpejt nga tërë rajoni ynë.
Afër fundit të javës priten edhe reshje të herëpashershme shiu sidomos në Shqipëri dhe Dukagjin, lokalisht edhe në disa vise tjera, ndërsa gjatë fillimit të javës së re përpos reshjeve të shiut mund të kemi edhe reshje bore në viset tona kontinentale./Meteoballkan