Sonte gjatë natës në Kosovë priten reshje lokale bore të cilat me ngritjen e temperaturave mund të bëhen shqotë në disa rajone.
Nesër gjatë ditës në Kosovë kryesisht thatë dhe me ngritje të temperaturave. Në mbrëmje pritet të fillojnë reshjet e shiut. Gjatë natës reshje të dendura shiu të cilat në disa rajone në disa momente mund të përzihen me borë.
Edhe në disa vise të Shqipërisë sonte do të ketë fjolla dëbore. Nesër ngritje e temperaturave, ndërsa në mbrëmje reshje të dendura shiu duke filluar nga veriu. Gjatë natës rrebeshe intensive shiu me vetëtima dhe bubullimë.
Fjolla dëbore sonte priten edhe në shumë vise të Maqedonisë së Veriut dhe Malit të Zi, ndërsa nesër ngritje e temperaturave. Në mbrëmje reshje shiu. Në viset malore reshje bore.
Të shtunën përmirësim i përkohshëm i motit dhe ngritje e temperaturave në tërë rajonin, ndërsa të dielën pasdite shtim i madh i vranësirave të cilat do të kushtëzojnë reshje të reja shiu.
Fillimi i javës së re do të karakterizohet me mot me vranësira, intervale kohore me diell dhe reshje të herëpashershme kryesisht shiu, ndërsa pas kalimit të këtyre masave ajrore ciklonike priten ngritje të ndjeshme të temperaturave ku do të përjetojmë një mini-pranverë në fillim të Shkurtit./Meteoballkan