Vranësira të dendura janë shtrirë nga Mesdheu në drejtim të rajonit tonë duke kushtëzuar reshje lokale shiu e bore në viset kodrinore malore. Temperaturat ende nuk favorizojnë reshjet e borës në Kosovë sepse ende jemi nën ndikimin e masave pak më të ngrohta ajrore parafrontale.
Gjatë nbrëmjes dhe natës pritet reshje lokale shiu, në viset kodrinore-malore reshje të herëpashershme bore. Reshjet e borës mund të përzihen shpeshherë me reshje shiu në disa rajon më të ulëta. Masat të lagështa ajrore nga Mesdheu do të vazhdojnë të vijnë vazhdimisht, ndërsa nga veriu do të fillojnë të depëtojnë masa të ftohta ajrore të cilat gjatë ditës së nesërme pritet të kushtëzojnë reshje bore në gati krejt territorin e Republikës së Kosovës.
Gjatë ditës së nesërme pritet depërtimi i frohtit të ftohtë nga veriu dhe për këtë arsye ulen temperaturat dhe reshje bore priten në shumicën absolute të territorit të Republikës së Kosovës, pastaj në veri, verilindje, lindje dhe juglindje të Shqipërisë si dhe në perëndim dhe veriperëndim të Maqedonisë së Veriut. Lokalisht edhe në vise tjera. Në shumë pjesë të Kosovës pritet të krijohen edhe shtresa të të bardha.
Reshjet më të fuqishme të borës priten në veri të Malit të Zi ku trashësia e borës do të arrijë më shumë se gjysmë metër./Meteoballkan
