Pas disa ditëve të kaluara të cilat ishin pranverore gjendja ka ndryshuar nga e shtuna ku temperaturat kanë shënuar ulje, ndërsa nesër priten edhe reshje të dendura bore në Kosovë të cilat do na përkujtojnë që ende jemi në stinën e dimrit.
Pas reshjeve të dëborës pritet stabilizim afatshkurtër i motit, por me mëngjese me acar dhe ditë të freskëta.
Tutje nga mesi i muajit nuk pritet ndonjë stabilizim afatgjatë i motit për arsye të depërtimeve të vazhdueshme të masave të ftohta me origjinë polare dhe masave ajrore të shpeshta ciklonike në Mesdhe, gjegjësisht në jug të Italisë, Greqi, Turqi dhe Bullgari.
Kjo gjendje sinoptike do të favorizojë mot të ftohtë dhe me reshje të herëpashershme shiu, por edhe reshjet e reja të borës nuk do të mungojnë edhe në mes dhe në pjesën e dyte të Marsit./Meteoballkan
