Shumëllojshmëria e ngjyrave në fotografinë kompjuterike për parashikim të motit tregon në fakt llojllojjshmërinë e reshjeve atmosferike që priten gjatë fundjavës në rajonin tonë, varësisht nga pozita gjeografike e rajonit, lartësia mbidetare e faktorë të tjerë të relievit. Në disa rajone reshjet pritet të jenë të përzera shi dhe borë së bashku.
Nëpër ultësirat e Shqipërisë priten reshje shiu, po ashtu edhe në Maqedoninë veriore, por nganjëherë në disa ultësira mund të ketë edhe reshje bore sidomos në Maqedoninë Veriore.
Në veri të Malit të Zi priten reshje bore gjatë tërë kohës, ndërsa reshje bore priten edhe në Kosovë.
Në Kosovë nganjëherë nëpër ultësira reshjet e borës do të shndërrohen në reshje shiu dhe anasjelltas, ndërsa në viset kodrinore-malore priten reshje të dendura bore dhe atmosferë e vërtetë dimërore. Atmosferë dimërore mund të kemi edhe në shumë qytete dhe qyteza të Republikës së Kosovës.
Ky sqarim vlenë nga e shtuna deri afërsisht të martën, dhe reshjet nuk do të jenë pa ndërprerje, por me intervale kohore, vende-vende priten reshje të dendura atmosferike. Nga nesër deri të shtunën po ashtu na pret mot i paqëndrueshëm, por reshjet do të jenë afatshkurtra dhe të izoluara në formë të rrebesheve të shiut dhe borës.
“Fajtor” për këtë situatë sinoptike është anticikloni i fuqishëm afër Britanisë së Madhe në Oqeanin Atlantik i cili paraqet bllokadë për depërtimin e ajrit të ngrohtë nga Atlantiku, pastaj ciklonet në Evropën lindore dhe nga veriu dhe verilindja e Kontinentit është krijuar korridor i depërtimit të masave të ftohta ajrore me origjinë polare. Me depërtimin e këtyre masave të ftohta në Mesdhe atëherë krijohet dhe fuqizohet cikloni me qendër në Afrikën veriore dhe Mesdheun qendror. Ky ciklon me afrimin e tij në Italinë jugore dhe Detin Jon do të na sjellë porcione të shpeshta të reshjeve atmosferike të cilat i sqaruam më lartë./Meteoballkan
