Sipas të gjitha gjasave fundjava pritet të na sjellë reshje të dendura bore viseve tona kontinentale. Në viset kodrinore-malore priten shtresa të mëdha bore, ndërsa ultësirat priten reshje bore por ende nuk dihet trashësia e borës për shkak të temperaturave të cilat në shumë ultësira mund të mos favorizojnë krijimin e këtyre shtresave.
Pra, nesër kryesisht thatë në përgjithësi, por në disa rajone priten rrebeshe bore herë pas here, ndërsa të shtunën priten reshje atmosferike. Borë në viset kodrinore-malore dhe shi e shqotë nëpër ultësira, por herë pas here reshje bore priten edhe nëpër disa ultësira.
Reshjet më të fuqishme të borës priten të dilën vonë dhe natën në të hënën kur qendra ciklonikë përfshinë jugun e Shqipërisë. Këtë natë reshje të dendura bore priten edhe nëpër ultësira dhe qytetet e Republikës së Kosovës duke u krijuar edhe shtresa bore. Në viset mesdhetare dhe bregdetare të Shqipërisë priten rrebeshe dhe stuhi të fuqishme shiu me vetëtima dhe bubullimë.
Në fund të theksojmë se edhe gjatë ditës së nesërme priten korrigjime nëpër modele sa iu përket sasisë dhe llojit të reshjeve sepse ky parashikim ende mund të pësojë disa ndryshime për arsye se çdo lëvizje edhe më e vogël e pozicionit të ciklonit mund të ndryshojë natyren dhe sasinë e reshjeve. Nesër sigurisht se do të dalim me postime të reja dhe detaje të reja për shiun dhe borën që pritet këtë fundjave dhe fillimin e javës tjetër./Meteoballkan
