Siç mund ta vëreni në fotografinë kryesore në drejtim të rajonit tonë ende po depërtojnë rryma mjaft të ftohta ajrore, ndërsa në drejtim të Evropës perëndimore rryma të ngrohta ajrore.
Përgjegjëse për këtë gjendje sinoptike janë cikoni gjigand në lindje dhe anticikloni me qendër në Mesdhe. Betejën më në fund do ta fitojë ky anticiklon nga Mesdheu dhe Evropa i cili pritet të shtrihet edhe mbi rajonin tonë, por deri atëherë duhet të durojmë edhe një ditë ose dy mjaft të ftohta sidomos acari pritet të jetë intensiv gjatë natës dhe mëngjesit, ndërsa temperaturat ditore që nga nesër do të fillojnë të ngriten, por gradualisht.
Për fundjavë më në fund na pret mot me intervale kohore me diell dhe vranësira, por i ngrohtë krahasuar me ditët e kaluara, pra fundjava me mot pranveror./Meteoballkan
