Disa fronte të ftohta ajrore përpiqën të depërtojnë nga verilindja e Kontinentit, por nuk kapin mirë rajonin tonë. Edhe pse larg territoreve tona megjithatë pritet të ndikojnë në kushtet sinoptike te ne.
Reshje atmosferike nuk priten, por pritet të ketë vranësira dhe erëra të freskëta veriore dhe verilindore. E tëra kjo falë këtyre masave ajrore të cilat nga verilindja depërtojnë deri në Turqinë perëndimore dhe Greqinë juglindore duke të shkaktuar reshje lokale të fuqishme atje. Kjo masë ajrore pritet të ndikojë në viset tona kontinentale e shumë pak ose fare në viset mesdhetare.
Ne do të jemi në periferi të këtyre masave të cilat nuk do të lejojnë ngritjen e ndjeshme të temperaturave, por edhe nuk pritet të sjellin reshje tek ne me ndonjë përjashtim shumë simbolik.
Kjo masë ajrore do të ndikojë në Kosovë deri të enjtën kur pastaj edhe pritet përmirësim dhe kthjellim i motit, por për fundjavë sipas të gjitha gjasave na presin reshje atmosferike./Meteoballkan
