Pranvera e këtij viti po vazhdon të jetë mjaft e ftohtë për shumë pjesë të Evropës me reshje edhe të dëborës në shumë vise, madje edhe në disa vise të ulëta. Dimër i vërtetë vazhdon të mbretërojë në Alpe dhe shumë rajone në Evropen qendrore si dhe në Ballkanin veriperëndimor ku dje pati reshje intensive bore sidomos në viset kodrinore-malore.
Temperaturat e ulëta pritet të përfshijnë edhe Kosovës gjatë ditës së sotme, por nuk pritet i ftohtë i madh. Reshjet nëpër ultësira pritet të jenë kryesisht në formë shiu, ndërsa në viset kodrinore-malore priten reshje bore. Do të fryjnë erëra të ftohta nga veriu. Nuk priten reshje të mëdha, ndërsa fjolla dëbore mund të ketë edhe në disa ultësira të Kosovës. Gjatë dy netëve dhe mëngjeseve të ardhshme në Kosovë mund të ketë edhe ngrica po kryesisht të dobëta nëpër ultësira, ndërsa në viset kodrinore-malore priten ngrica pak më të forta (-4, -5) nëse kthjellohet moti.
Për fundjavë shtim i sërishëm i vranësirave dhe reshje shiu. Vazhdon të mbetet relativisht ftohtë për këtë periudhë kohore./Meteoballkan
