Rajoni ynë do të vazhdojë të jetë nën ndikimin e masave të fuqishme ajrore anticiklonike nga Lindja e Evropës por edhe nga masat ciklonike që gjenden në Itali. Si pasojë e kësaj, sot në Kosovë do të kemi mot me vranësira të shpeshta por edhe me intervale kohore me diell. Ka gjasa që në disa rajone të ketë riga të dobëta shiu.
Në Shqipëri kryesisht vranët por edhe me intervale kohore me diell. Në pjesën veriperëndimore të vendit ka gjasa të mira për reshje të herë pas hershme shiu.
Në Maqedoni sot do të mbajë mot me intervale kohore me diell dhe vranësira kalimtare por do të jetë nxehtë për këtë periudhë kohore.
Ditëve të ardhshme Anticikloni i fuqishëm me qendër thellë në lindje të Evropës dhe në Rusi do të fuqizohet edhe më shumë mbi trojet tona duke na garantuar mot të thatë dhe kryesisht stabil. Njëkohësisht nga Afrika Veriore do të kemi depërtimin e masave ajrore të nxehta dhe temperaturat do të jenë mjaft të larta duke pasur parasysh periudhën kohore në të cilën jemi./Meteoballkan
