Temperaturat u rritën ndjeshëm në disa pjesë të Mbretërisë së Bashkuar, pasi vendi regjistroi ditën më të ngrohtë të vitit deri tani – dhe një nga ditët më të nxehta të prillit në 80 vitet e fundit.
Një temperaturë maksimale prej 26.5°C (79.7°F) u regjistrua në Kew Gardens, në jugperëndim të Londrës, të mërkurën e kaluar, njoftoi Met Office. Sipas institucionit, kjo ishte dita më e nxehtë e regjistruar në gjysmën e parë të prillit që nga viti 1946.
“Aktualisht po përjetojmë një periudhë moti shumë të ngrohtë për fillim prilli, me presion të lartë që po tërheq ajër të ngrohtë drejt veriut mbi Mbretërinë e Bashkuar,” tha një zëdhënës i Met Office. “Për shumë zona, veçanërisht në Anglinë qendrore, jugore dhe lindore, temperaturat janë dukshëm mbi mesataren për këtë periudhë të vitit.”
Londra ishte më e nxehtë se shumë destinacione të njohura pushimi, përfshirë Ibiza, Roma dhe Marrakesh.
E mërkura e tejkaloi lehtësisht rekordin e mëparshëm të këtij viti, i vendosur një ditë më herët, kur temperaturat arritën 24.8°C në Anglesey, në Uellsi.
Moti i nxehtë ka përkuar me kulmin e sezonit të polenit në Mbretërinë e Bashkuar.
