Sot në Kosovë pritet të mbajë mot me intervale kohore me diell dhe vranësira të cilat në disa rajone mund të kushtëzojnë riga afatshkurtra shiu. Mund të ketë edhe ndonjë rrebesh të izoluar shiu në ndonjë rajon, por temperaturat mbesin relativisht të larta për këtë periudhë kohore.
Në Shqipëri dhe tërë rajonin pritet të mbajë mot relativisht i ngrohtë, me intervale kohore me diell dhe vranësira. Riga lokale shiu priten në veri të Shqipërisë dhe rrallë edhe në disa rajone tjera, ndërsa reshje më intensive shiu mund të ketë në Mal të Zi.
Ditëve të ardhshme na pret mot i ngjashëm, relativisht i ngrohtë dhe me alternime të shpeshta mes vranësirave dhe intervaleve kohore me diell. Erërat jugore pritet të fuqizohen herë pas here. Rrebeshe të fuqishme shiu priten në Mal të Zi. Rrebeshe të herëpashershme lokale priten edhe në veri të Shqipërisë dhe lokalisht edhe në qendër dhe disa vise tjera. Në Kosovë dhe Maqedoni kryesisht thatë dhe ngrohtë, por nganjëherë mund të ketë ndonjë rigë ose rrebesh të izoluar, afatshkurtër shiu./Meteoballka
