Në pjesën e mbetur të ditës së sotme nuk priten ndryshime të motit. Do të vazhdojnë alternimet mes vranësirave dhe intervaleve kohore me diell si dhe erërat veriperëndimore, por nuk priten reshje atmosferike.
Mot pothuajse i ngjashëm na pret edhe ditëve të ardhshme. Nesër (e diele) priten ulje të lehta të temperaturave në gati tërë rajonin për shkak të këtij fronti krejtësisht të dobët që po sjellë erëra nga veriperëndimi.
Të hënën përsëri rritje e temperaturave dukshëm mbi vlera mesatare. Priten ende alternime mes vranësirave dhe intervaleve kohore me diell. Edhe të martën dhe të mërkurën nuk priten ndonjë ndryshim i madh i motit që vlenë të përmendet. Temperaturat në tërë rajonin pritet të jenë dukshëm mbi mesatare gjatë këtyre ditëve. Vetëm në ndonjë rajon ku eventualisht mund të ketë mjegull do të jetë ftohtë me temperatura rreth vlerave mesatare.
Ulje të temperaturave pritet të kemi rreth datës 6 Janar, kur ende kemi gjasa për ndonjë reshje kalimtare shiu, shqote e bore varësisht nga fuqia e frontit të ftohtë dhe ciklogjenezës në Adriatik ose Jon./MeteoBallkan