Sot në Kosovë do të mbajë mot plotësisht i vranët dhe herë pas here me reshje shiu. Reshje më intensive priten në veriperëndim të Kosovës, ndërsa në lindje, verilindje dhe disa vise në qendër të vendit priten reshje simbolike. Temperaturat shënojnë ulje të lehta dhe ajo maksimale pritet të arrijë deri në 7 ose 8 gradë Celsius.
Në Shqipëri do të mbajë mot plotësisht i vranët dhe me reshje shiu. Në veriperëndim të vendit priten edhe rrebeshe intensive shiu me mundësi për vetëtima dhe bubullimë. Reshjet e dendura gjatë ditës deri pasdite do të shtrihen në jug të vendit. Reshje të dendura shiu priten edhe në Mal të Zi të cilat do të vinë duke u dobësuar, kurse në Maqedoninë Veriore dhe Luginën e Preshevës nesër pritet mot i vranët, por me reshje të pakta lokale.
Nga e enjta përmirësim i motit dhe rritje e temperaturave. Priten intervale të gjata kohore me diell. Të premtën pak më freskët, por me shumë rreze diellore. Të shtunën na pret mot i vërtetë pranveror me temperatura deri në 15/16 gradë Celsius në Kosovë dhe Maqedoni, edhe më ngrohtë në Shqipërinë mesdhetare.
Të dielën pak me ftohtë, me vranësira dhe reshje sporadike./MeteoBallkan