Sot në Kosovë na pret mot më i qetë, por i ftohtë për këtë periudhë kohore. Priten vranësira dhe reshje sporadike shiu e bore. Temperaturat pritet të lëvizin nga -1 deri në 12 gradë Celsius.
Në Shqipëri dhe Maqedoninë Veriore pritet të mbajë mot kryesisht i vranët dhe me reshje lokale shiu. Në Shqipëri reshjet pritet të jenë më të dobëta dhe të lokalizuara. Në viset kodrinore-malore ende priten reshje bore.
Reshje sporadike bore priten edhe në veri të Malit të Zi, ndërsa në Luginë nesër pritet mot kryesisht i vranët dhe i thatë.
Mëngjesi i së martës mund të na sjellë ngrica për shkak të kthjellimit të motit gjatë natës. Gjatë ditës pritet mot me intervale kohore me diell dhe vranësira të herëpashershme. Ende priten reshje sporadike, pak më të theksuara në territorin e Maqedonisë së Veriut dhe Shqipërisë.
Të mërkurën dukshëm më ngrohtë me erëra nga jugu, ndërsa të enjtën priten reshje të reja shiu./MeteoBallkan
