Me ardhjen e pranverës dhe rritjen e temperaturave shtohen gjasat që të paraqiten edhe fenomenet më interesante atmosferike siç janë zhvillimet konvektive ose vertikale të vranësirave në atmosferë të cilat ‘dhurojnë’ rrebeshe dhe shtrëngata shiu me vetëtima dhe bubullimë.
Gjatë stinës së dimrit këto fenomene janë shumë të rralla në rajonin tonë me përjashtim të bregdetit dhe kjo për shkak të temperaturave të ulëta, por me rritjen e temperaturave gjatë pranverës dhe verës stuhitë me vetëtima janë dukuri gjithnjë e më të shpeshta dhe krejtësisht normale.
Çdo front i lagësht i cili përmban ajër të paqëndrueshëm që vjen nga Atlantiku në kontakt me sipërfaqën e ngrohtë të Kontinentit nga dielli pranveror dhe veror ka potencial për destabilizim të fuqishëm të atmosferës dhe si pasojë lindin rrebeshet e fuqishme të shiut me vetëtima dhe bubullimë. Sezona e rrebesheve dhe shtrëngatave lokale të shiut me vetëtima dhe bubullimë zakonisht zgjatë nga Prilli deri në Tetor dhe nganjëherë kemi sezonë mjaft të bujshme e nganjëherë kemi sezonë të dobët dhe me reshje të rralla dhe kjo e tëra varet nga qarkullimet e masave globale dhe lokale ajrore.
Gjatë ditëve të ardhshme në rajonin tonë do të vijë deri të zhvillimet lokale të këtyre fenomeneve të cilat në disa vise mund të prodhojnë reshje të rrufeshme me bubullima. Këto jo-stabilitete atmosferike më së shpeshti ndodhin në mesdite e sidomos pasdite dhe afër mbrëmjes.
Rrebeshet e shiut gjatë verës gati gjithmonë janë të karakterit lokal dhe shpeshherë ndodhë në të njëjtin qytet në të njëjtën kohë një pjesë e qytetit të ketë vërshime, kurse pjesa tjetër të ”djeget” nën rrezet diellore./Meteoballkan
