Sonte gjatë natës në shumë pjesë të Kosovë pritet të fillojnë reshje shiu vende-vende në formë rrebeshesh lokale dhe këto vranësira pritet të vijnë nga një ciklon i shtresave të larta në lindje të Kontinentit dhe njëkohësisht një tjetër ciklon nga Mesdheu po i afrohet Shqipërisë dhe ky ciklon pritet të sjellë reshje shiu e rrebeshe të shtunën.
Fillimisht sonte gjatë natës në pjesë të Kosovës, Maqedonisë së Veriut dhe disa pjesë të Shqipërisë më vonë priten reshje që vijnë nga lindja, por nuk priten reshje në të gjitha viset, ndërkohë që në viset më të larta malore do të ketë reshje shqote e bore.
Të Premten reshje lokale të herëpashershme vazhdojnë në disa pjesë të Kosovës dhe Maqedonisë së Veriut, por pastaj pritet një përmirësim krejt afatshkurtër i motit dhe erërat do të fillojnë të ndryshojnë drejtim dhe pritet të fillojnë të fryjnë nga jugu për arsye të afrimit të ciklonit Mesdhetar.
E shtuna sjellë ciklonin mesdhetar me reshje të reja lokale shiu dhe erëra kryesisht nga jugu. Në pjesë të Shqipërisë mesdhetare priten rrebeshe dhe stuhi lokale me vetëtima dhe bubullimë.
Temperaturat nuk do të ulen shumë sepse rrymimet ajrore do të jenë të ngrohta nga jugu. E diela sjellë intervale kohore me diell por edhe vranësira të shpeshta. Reshjet pushojnë përkohësisht, por pritet të paraqiten prapë në rajone të caktuara fillimisht në Shqipëri, pastaj më vonë edhe në pjesë të Kosovë dhe Maqedonisë së Veriut.
Pra, para nesh një periudhë me reshje të shpeshta lokale shiu.
Informacione tjera në postimet tona të radhës./MeteoBallkan
