Sot moti është destabilizuar dhe vende-vende ka rrebeshe shiu me vetëtima, bubullimë dhe breshër.
Nga nesër moti do të jetë shumë më stabil dhe i qetë, me shumë rreze diellore dhe vranësira të pakta. Shanset për rrebeshe do të jenë krejtësisht të vogla sidomos nesër, ndërsa të enjtën dhe të premtën po ashtu pritet mot mjaft i nxehtë dhe me diell, por në disa zona kryesisht malore mund të ketë ndonjë rrebesh afatshkurtër. Këto rrebeshe priten në tona kretjësisht të izoluara dhe shumica e territorit do të ketë mot të thatë dhe të nxehtë.
Të shtunën pasdite rriten dukshëm shanset për rrebeshe lokale shiu. Gjasa të vogla për ndonjë rrebesh mbeten edhe të dielën dhe të hënën, ndërsa nga e marta e javes tjetër na pret mot mjaft jo-stabil me rrebeshe të shpeshta shiu me vetëtima dhe bubullimë.
Ishte ky një parashikim me pak fjalë bazuar në ecuritë më të fundit sinoptike dhe për shkak të interesimit të madh sezonal sidomos në kositjen e barit dhe punët tjera bujqësore. Për çdo ndryshim eventual në parashikim do të mundohemi të jemi sa më aktivë me postimet tona të përditshme./MeteoBallkan
