Një person ka vdekur dhe një tjetër është lënduar si pasojë e rrufesë në fshatin Zatriq të Rahovecit.
Zëdhënësi i Policisë së Kosovës, Sheremet Elezaj, ka thënë se ngjarja ka ndodhur rreth orës 15:00 derisa viktima dhe personi i lënduar ishin duke punuar.
Ai gjithashtu ka bërë të ditur se personi i lënduar është jashtë rrezikut për jetë.
“Patrullat policore së bashku me autoambulancë kanë dalë në vendin e ngjarjes. Njëri nga viktimat (lindur në vitin 1988) është dërguar në Spitalin Rajonal në Prizren, atje mjeku kujdestar ka konstatuar vdekjen e tij. Ndërsa viktima tjetër (lindur në vitin 1994) fillimisht është dërguar në QKMF në Malishevë dhe pastaj në QKUK-Prishtinë. Sipas mjekut kujdestar në QKUK gjendja e viktimës në fjalë është jashtë rrezikut për jetë. Në vend-ngjarje kanë dalë njësitet relevante të policisë si dhe është njoftuar Prokurori i Shtetit, sipas të cilit është inicuar rast ‘hetim i vdekjes’, thuhet në njoftim.
