Nesër në Kosovë pritet të mbajë mot me vranësira dhe intervale të shkurtra kohore me diell. Priten zhvillime të vranësirave të cilat herë pas here pritet të kushtëzojnë reshje lokale shiu dhe rrebeshe lokale me vetëtima dhe bubullimë. Temperatura maksimale pritet të arrijë deri në 24 gradë Celsius.
Në Shqipëri nesër pritet të mbajë mot me diell dhe vranësira të cilat pasdite pritet të kushtëzojnë rrebeshe shiu me vetëtima dhe bubullimë në disa zona kontinentale. Rrebeshe të fuqishme, por të izoluara mund të ketë në zonat qendrore dhe jugore të vendit, ndërsa ndonjë rrebesh afatshkurtër mund të ndodhë edhe në bregdet. Rrebeshe lokale nesër priten edhe në Maqedoninë Veriore, Kosoven Lindore dhe Mal të Zi.
Të hënën na pret mot me intervale kohore me diell dhe vranësira. Pasdite priten rrebeshe të izoluara shiu me vetëtima dhe bubullimë. Nga e marta përmirësim i motit në tërë rajonin. Priten intervale të gjata kohore me diell dhe vranësira lokale. Rrebeshet afatshkurtra mbesin ende prezente në jug dhe juglindje të Shqipërisë. Temperaturat pritet të shënojnë rritje graduale./MeteoBallkan
