Vala e fortë e nxehtësisë afrikane ka përfshirë Shqipërinë për një kohë të gjatë duke sjellur temperatura mbi 35 gradë Celsius për një periudhë të gjatë kohore, por kulmi i kësaj vale mjaft të fuqishme nxehtësie ka arritur dje dhe po ashtu edhe sot temperaturat pritet të arrijnë deri në 40 apo 41 gradë Celsius.
Sipas Meteoalb shumë zona në ultësirën perëndimore e deri në veriperëndim të vendit duke përfshirë edhe Tiranën do të arrijnë deri te shifra 40 gradë Celsius, madje në disa zona edhe deri në 41. Shumë nxehtë është edhe në zonat malore, me temperatura nga 30 deri në 36 gradë Celsius.
Viset tona kontinentale në Kosovë dhe më gjerë gjatë kësaj vere janë përfshirë shpeshherë nga fronte të dobëta, të ftohta ajrore të cilat kanë ndërprerë shumë shpeshë valët e nxehtësisë, por këto fronte të dobëta nuk kanë arritur deri te viset mesdhetare të Shqipërisë, prandaj valët e nxehtësisë atje janë të gjata dhe pa ndërprerje.
Në Kosovë sot temperatura maksimale pritet të arrijë deri në 36- 37 gradë Celsus, por nesër pasdite pritet shtrëngata lokale me bubullima dhe freski./MeteoBallkan
