Rrebeshe lokalisht të fuqishme shiu dhe breshëri nga jugu i Bosnës dhe Hercegovinës tani ka kanë përfshirë veriun e Malit të Zi, ndërsa në Kosovë dhe Maqedoninë Veriore zhvillimet ende janë krejtësisht sporadike.
Gjatë orëve të vona të pasdites dhe mbrëmjes edhe në Kosovë dhe Maqedoninë Veriore pritet të ketë zhvillime, lokalisht të fuqishme me shi, rrebeshe dhe breshër. Reshjet do të jenë të karakterit lokal, ndërsa ka gjasa për zhvillimin e ndonjë shtrëngate mjaft të fuqishme lokale me erëra të fuqishme, bubullima të zhurmshme dhe rrebeshe intensive. Ky front do të na sjellë freskimin e shumëpritur pas temperaturave shumë të larta të cilat sot po ndjehen jashtëzakonisht shumë për shkak të zagushisë e cila vjen si pasojë e lagështisë së ajrit.
Rrebeshe dhe stuhi lokale priten gjatë mbrëmjes po ashtu, ndërsa dita e nesërme (e enjte) pritet të jetë paradite me intervale të gjata kohore me diell dhe zagushi e pasdite me stuhi lokale me bubullima.
Të premtën dhe të shtunën nxehtë dhe diell. Shumë nxehtë pritet të jetë të shtunën deri pasdite kur një front tjetër pritet të kushtëzojë stuhi të reja lokale dhe freskim të motit. /MeteoBallkan