Sot në Kosovë do të mbajë mot i ndryshueshëm me ndonjë interval kohor me diell, por edhe me vranësira të shpeshta të cilat herë pas here do të sjellin edhe reshje lokale shiu. Temperaturat do të jenë relativisht të larta për këtë periudhë kohore sepse do të jemi nën ndikimin e masave të nxehta ajrore që vijnë nga Mesdheu.
Në Shqipëri mot shumë i ndryshueshëm dhe me reshje të shpeshta shiu. Në vendet bregdetare do të ketë edhe rrebeshe lokale shiu me vetëtima dhe bubullimë sidomos në veriperëndim dhe jug të Shqipërisë. Temperaturat do të pësojnë ulje vetën në kohën e reshjeve apo shtrëngatave.
Në Maqedoni mot i ngjashëm sikur në Kosovë, vranët me ndonjë interval kohor me diell por edhe me mundësi për reshje lokale shiu herë pas here.
Mot i ngjashëm në tërë rajonin tonë pritet edhe ditën e hënë, pra ende do të jemi nën ndikimin e masave ajrore të paqëndrueshme por relativisht të nxehta që vijnë nga Mesdheu dhe Adriatiku. Kohë pas kohe do të ketë reshje dhe rrebeshe lokale shiu.
Të Martën pritet që gjatë ditës të kemi intensifikim të reshjeve të shiut të cilat eventualisht natën mes së martës dhe së mërkurës në Kosovë do të shëndrrohen në reshje bore. Të mërkurën ftohtë me depërtim të temperaturave Siberike dimërore dhe me reshje të herë pas hershme bore në Kosovë kurse sa i përket Shqipërisë dhe Maqedonisë jemi duke i pritur rezultatet analizat më të reja të modeleve globale për parashikim të motit.
Detaje tjera në postimet tona të ardhshme.Meteoballkan.
