Ardhja e masave ajrore mjaft të ftohta nga Arktiku ka kushtëzuar ulje të ndjeshme të temperaturave dhe reshjet e para të dëbores në zonat më të larta malore të Republikës së Kosovës. Temperaturat janë ulur edhe në viset e ulëta konform një moti vjeshte të vonshme. Këto vijnë si pasojë e rrymimeve të ftohta nga veriu.
Nga fundjava do të fillojnë të fryjnë erëra nga jugu dhe kjo do të ndikojë në rritjen e temperaturave minimale dhe maksimale, megjithatë netët ende do të vazhdojnë të jenë të ftohta në zonat malore.
Deri të shtunën priten netë dhe mëngjese të ftohta ku në viset kryesisht kodrinore-malore mund të ketë brymë nëse gjatë nates do të ketë kthjellim të plotë të motit, por pasiqë priten vranësira herë pas here shumë rajone mund të shpëtojnë nga bryma. Fundjava sjellë rritje të temperaturave sidomos ato maksimale dhe erëra nga jugu e jugperëndimi
Reshje të reja shiu priten afërsisht nga mesi i javës së re./MeteoBallkan