Portugalia vendi më i goditur në Evropë nga thatësia më ekstreme e viteve të fundit ka gjasa që të goditet nga një ciklon i stacionuar në Oqeanin Atlantik jo shumë larg brigjeve të Azoreve, Portugalisë dhe Britanisë së Madhe.
Cikloni do të pozicionohet për shumë ditë në një vend në Oqeanin e hapur duke sjellur porcione të shpeshta reshjesh të dendura shiu dhe stuhish të fuqishme në Portugali dhe Spanjën perëndimore, rajone këto më të thata në Evropë viteve të fundit.
Cikloni pritet të shkaktojë edhe probleme dhe përmbytje por kjo nuk e zbehë entuziazmin e portugezëve të cilët po vuajnë një kohë të gjatë nga mungesa e ujit dhe valët e fuqishme të nxehtësië afrikane.
Mediat dhe populli portugez me gëzim po e shohin gjendjen sinoptike dhe presin me padurim reshjet nga ky ciklon i cili pritet të zbusë thatësinë ekstreme dhe mungesën e madhe të ujit të pijshëm në Portugali për shkak të mungese së madhe të të reshurave atmosferike gjatë viteve të fundit në këtë shtet./MeteoBallkan
