Nesër në Kosovë pritet të mbajë mot ende mjaft i nxehtë dhe me zagushi sidomos paradite dhe në mesditë. Pasdite zhvillime konvektive dhe destabilizim gradual. Fillimisht priten rrebeshe të izoluara shiu me vetëtima, bubullimë dhe breshër. Më vonë destabilizim më i fortë kurse në mbrëmje edhe fronti i ftohtë ajror me rrebeshe intensive shiu me vetëtima dhe bubullimë dhe ulje të temperaturave.
Temperaturat pritet të luhaten nga 14 minimalja deri në 31 gradë Celsius ajo maksimale. Në mbrëmje freskim i motit me rrebeshe intensive.
Në Shqipëri, Maqedoninë Veriore, Luginë të Preshevës dhe Mal të Zi nesër pritet të mbajë mot me diell dhe vranësira lokale. Fronti i ftohtë ajror do të përfshijë së pari Malin e Zi, pastaj Shqipërinë Veriore, Kosovën, Luginën e Preshevës, Maqedoninë Veriore dhe në fund edhe Shqipërinë jugore të Premten.
Në mbrëmje stuhi shiu do të përfshijnë bregdetin shqptar.
Destabilizimi fuqishëm i atmosferës do të nis Mal të Zi pasdite nesër e do të përfundojë të Premten në jug e juglindje të Shqipërisë dhe nga kjo nënkuptohen ecuria e masave destabilzuese ajrore nge veriu e perëndimi në drejtim të jugut e lindjes.
Të premten na pret mot ndjeshëm më i freskët me reshje lokale në Kosovë të cilat do të largohen dhe do të pasojë stabilizimi i atmosferës. Stuhi të fuqishme priten në jug- juglindje të Shqipërisë dhe jugperëndim të Maqedonisë së Veriut. Nga veriu atmosfera do të vjen duke u stabilizuar.
Fundjava vjen me diell dhe vranësira lokale. Të shtunën do të fryjnë erëra mjaft të freskëta nga veriu por nuk pritebn reshje. Atmosfera do të stabilizohet dhe temperaturat do të rriten sidomos të dielën./MeteoBallkan
