Rajoni ynë gjendet nën ndikimin e masave të fuqishme ciklonike me origjinë nga Atlantiku të cilat kanë depërtuar thellë në Evropë e Itali duke shkaktuar një zhvillimin e cikloneve sekondare mbi Itali dhe Mesdhe dhe për këtë arsye na pret mot edhe më dinamik.
Reshjet intensive atmosferike fillimisht pati dhe ende ka në shumë zona të Dukagjinit dhe shumë vise të Shqipërisë, ndërsa masa e lagështa ajrore edhe më të forcuara tani do të shtrihen në tërë rajonin duke kapur edhe lindjen e Kosovën, juglindjen e Shqipërisë dhe Maqedoninë Veriore.
Një valë mjaft intensive reshjesh e rrebeshesh shiu pritet të enjtën kur një vorbull ciklonike kalon në lindje të Evropes, ndërsa një tjetër vorbull mbetet mjaft aktive përtej jugperëndimit të Italisë duke u fuqizuar.
Priten reshje dhe rrebeshe shiu në tërë Kosovën, vende-vende mjaft intensive dhe me gjasa edhe për vetëtima dhe bubullimë, ndërsa ajri i ftohtë fillon të depërtojë pasa kalimit të mases ajrore ciklonike në linde drejt Bullgarisë dhe Rumanisë.
Gjatë natës ose orëve të hershme të mëngjesit të së premtës në Kosovë reshje e shiut do të fillojnë të shndërrohen në reshje të dendura bore, fillimisht në viset kodrinore-malore, pastaj edhe në zona pak më të ulëta.
Ajri i ftohtë arrin, ndërsa vorbulla tjetër ciklonike mjaft aktive dhe mjaft e fuqizuar në Itali merr rugën drejtë rajonit tonë duke sjellur reshje të reja bore të shtunën ku priten reshje të dendura bore.
Pra, të premtën pas reshjeve të bores do të kemi një pauzë të shkurtër të reshjeve deri të shtunën kur pritet që reshjet e borës të rifillojnë dhe të krijojnë edhe shtresa.
Shtresa impresive priten në viset kodrinore-malore, por edhe nëpër disa ultësira.
Reshje mjaft të dendura bore priten në viset kodrinore-malore të tërë rajonit si në Kosovë, Shqipëri, Maqedoni Veriore dhe Mal të Zi, ndërsa ultësira perëndimore vështirë që mund të ketë reshje bore, ngase ajri nuk është mjaftueshëm i ftohtë. Nuk përjashtohet mundësia që fjolla bore të ketë në zonen e Lezhës në veri dhe afër Himarës në jug.
Ultësirat e Kosovës më në fund do të kenë një ose dy valë reshjesh bore që mund të japin pamje mjaft të bukura, ndërsa reshje bore mund të ketë edhe në ultësirat e Maqedonisë së Veriut dhe Kosoves lindore.
Ajri i ftohtë nuk do të jetë shumë intensiv, ngase nuk kemi ndonjë goditje nga Siberia ose Rusia dhe ardhja e kësaj mase të ftohtë ka origjinë nga Atlantiku verior dhe Alpet Evropiane dhe për këtë arsye nuk pritet të ketë acar të madh (njëherë për njëherë) dhe po ashtu për këtë arsye bora mund të përzihet me reshje shiu në zonat më të ulëta të Kosovës, Maqedonisë së Veriut dhe Luginës së Preshevës./MeteoBallkan