Nesër në Kosovë do të mbajë mot i ndryshueshëm dhe i ngrohtë për këtë periudhë kohore. Priten intervale kohore me diell dhe zhvillime të vranësirave të cilat do të kushtëzojnë rrebeshe lokale shiu, kokrizi dhe bore dhe mund të ketë edhe ndonjë vetëtimë dhe bubullimë.
Në mbrëmje vonë ose gjatë natës fronti i ftohtë sjellë reshje bore ku vende-vende priten reshje të dendura bore, ndërsa në zonat më të ulëta të Dukagjinit priten reshje shiu.
Në Shqipëri, Maqedoninë Veriore, Mal të Zi dhe Kosovën lindore nesër pritet të mbajë mot me vranësira, intervale kohore me diell, riga ose rrebeshe lokale shiu e fjolla bore në disa zona kodrinore-malore.
Në mbrëmje fronti i ftohtë sjellë reshje shiu e bore në shumë zona që nga Lugina e Preshevës, veriu i Malit të Zi, shumë rajone të Maqedonisë së Veriut e deri në mëngjes edhe në pjesën lindore të Shqipërisë ku në viset kodrinore-malore priten reshje bore. Në viset tjera të Shqipërisë priten rrebeshe shiu të cilat nuk do të zgjasin shumë.
Të premtën ulje e temperaturave dhe me reshje krejtësisht të pakta, ndërsa priten intervale kohore me diell.
Të shtunën rikthehen reshjet e përziera të cilat pasdite ose në mbrëmje do të shndërrohen në reshje bore. Nga e shtuna pasdite dhe e diela do të depërtojë ajri i acart siberik./MeteoBallkan
