Anticikloni i fuqishëm i cili dëboi menjëherë reshjet atmosferike dhe vranësirat nga rajoni ynë, tani është shtrirë plotësisht mbi rajonin tonë dhe kështu, moti është stabilizuar, por masat ajrore të ftohta nga veriu i kontinentit kanë depërtuar. Në mbrëmje, natën dhe mëngjesin e nesërm pritet ulje e theksuar e temperaturave siç shihet edhenë fotografinë kryesore e tërë Kosova do të jenë në minus. Acar do të ketë edhe në shumicën e territorit të Maqedonisë, Malit të Zi si dhe në veri, lindje dhe juglindje të Shqipërisë.
Në fotografi kemi temperaturat minimale sipas modelit GFS ku shihet se në Kosovë në viset malore temperatura do të ulet deri në minus 8 apo 9 gradë celsius kurse nëpër ultësira nga minus 2 deri në minus 5 gradë cellsius. Ngjashëm do të jetë edhe në rajonet tjera përpos rajoneve bregdetare ku temperaturat nuk do të ulën në vlerën 0 apo minus.
Sonte, gjithashtu do të ketë kushte për krijimin e mjegullës nëpër lugina, e cila do të ndikojë në uljën e mëtutjeshme të temperaturave në ato rajone ku eventualisht do të mbizotërojë mjegulla.
