Masa e ftohtë polare sonte është në kulminacionin e saj në rajonin tonë e cila ndjehet edhe më e ftohtë për shkak të erërave të ftohta nga veriu.
Erërat pritet të qetësohen gradualisht gjatë natës dhe kthjellimi i motit do të ndikojë që të ketë acar në gati tërë territorin e Republikës së Kosovës dhe disa vise tjera kontinentale të rajonit.
Temperaturat do të ulen nën 0 gradë Celsius gjatë orëve të hershme të mëngjesit.
Menjëherë nga dita e nesërme do të ketë përmirësim dhe qetësim të motit, por do mbetet ende relativisht ftohtë dhe rritja e temperaturave do të jetë graduale, më e theksuar nga e enjtja./METEOBALLKAN
